البيتيفور بالزبدة
مطبخ نونه
البيتيفور بالزبدة كريستال أو فيرن أو جنة
والتشكيل بالكيس
المقادير :
كوب زبده بدرجة حرارة الغرفه
كوب سكر بودره
بيضه كامله كبيرة + صفار بيضة
2 كوب دقيق
فانيليا
زرة ملح
ملحوظة : المقادير بنفس الكوب
مربى للتقفيل
للتزيين شيكولاته ومكسرات أو سبرنكل أو فرمسيل أو أى حاجه تحبيها
الطريقه
اضربى الزبدة مع السكر لحد ما تبقى كريمى ولونها أبيض فاتح وانزلى بالبيض والفانيليا
واضربى شويه وانزلى بالدقيق وذرة الملح
واضربى ضربه بسيطه لحد ما يختفى الدقيق هتلاقى العجينه بتلزق شويه بلاش تزودى دقيق شكليها بالكيس على وضعها ودخليه الفرن على الرف الاوسط على درجة حرارة 180 درجه
لما يخرج من الفرن اتركيه يبرد وطلعيه والزقى كل اتنين مع بعض بالمربى وزينى بالشيكولاته أو أى حاجه تحبيها
لو عايزاه شيكولاته شيلى 2معلقة كبيرة دقيق وحطى 2ملعقة كبيرة كاكاو ويخلط مع الدقيق
ملحوظه
لأن حجم البيض بيختلف اخبزى واحده الأول لو فرشت أو الشكل اختفى زودى معلقة دقيق …..وبالف هنا ..
..نونه عتيق
عن الكاتب
