![](https://wamadaat.com/wp-content/uploads/2022/12/FB_IMG_1670265240434.jpg?v=1670265398)
![](https://wamadaat.com/wp-content/uploads/2023/01/FB_IMG_1673788114606-1.jpg)
الحنية
بقلم/رحاب عصام أبوطالب
الحنية كلمة غنية
الحنية احساس مش اغنية
الحنية كلمة بتطبطب
وايد بتدفي ايدك
وروح تسكن روحك
الحنية
بسمة بتمحي حزنك
ضحكة تفرح قلبك
تقدير يرفع قيمتك
الحنية حاجة مش مستخبيه
الحنية اعظم صفة في البشرية
علاقات كتير انتهت علشان القسوة
كانت عنوانها بدل الحنية
الحنية كلمة حروفها بسيطة
بس هي عالم كبير كله دفا
كله أمان وصدق مشاعر مش مدارية
الحنية كافية أنها تأسر اي قلب
زي حنية اب وام..
وحنية ولد وبنت
حنية صاحب جدع
وحنية اخ سند
حنية انسان علي حيوان ضعيف
وحنية حيوان وفي ل انسان وحيد
الحنية
حاجات موش مادية دي حاجات كتير بتبقي معنوية
مين فينا يكره يعيش ويحس الحنية
هي الحياة صعبة علي الكل وقاسية
بس ربنا خلقنا علشان نكمل بعض بحنية
كفاية جفا مشاعر وقسوة من الدنيا
وتعالوا نحضن بعض ونحضن قلوبنا ونحضن أيامنا
بصدق وحب ودفا وحنية
خلينا ذكري في حياة بعض بأيام راضية
محدش عارف مين عايش لبكرة
ومين هيفارق ويسبب أثره يحكي عنه
وعن أفعاله اللي كانت مليانة … …حنية .
موقع ومضات …