من صندوق الذكريات
كتبت عزة راضي
هناك علاقات مريحة
مليئة بمشاعر ود مغلفة بشرائط ملونة ، ومحلاه بنكهة الصداقة
قد تأتينا فى أوقات غير معلومة لتكون أضافة لرصيد الأشخاص لدينا
أو فى أوقات إحتياج للدعم والمساندة عندها تكون هبة أو منحة من رب العالمين ،
ومن بين الذكريات وجدت تلك الهدية ( قصيدة عيد ميلادي )
كأجمل هدية ممكن أن تهدى وخاصة وأنها تأخذ طابع الخصوصية أن تكون صنعت خصيصا لك فهذا فى حد ذاته يضيف الى رصيدها لديك ،
وهذه قصيدة صديقتى الشاعرة الرقيقة هنا السباعى :
إهداء لصديقتي الجميلة عزة راضي
عيد ميلاد جديد
وبكل أحوالك
هو عيد
عيد يعايد
من سنينك حلوها
وذكريات مرت
وفات مرها
بس انهاردة يوم
جديد
يمكن تنادي فيه
علي اللي كان
أو يمكن
يرتب القدر
أجمل زمان ..
انهاردة عشانك
أنتي أتولد
نهار جديد
إنسي الليالي
وظلام وقتها
الفجر لما صحي
نقوله نهار سعيد
ومعاكي هدايا
من السنين
أجمل صور
أجمل ذكريات
هتحكي عنها
ألف خبر
هاتي معاكي
كل السطور
وسجلي
أن السعادة
باقية
علشان في قلبك
أتلونت جدران
كيان
مش ممكن
نقول عليه
كان ياما كان
عمر البناية
ما تكون من عدم
أزاي وكل طوابقها
أساس أتحسم
ولسه شباك الفرح
هيفتح ببانه
لأحلي عمر
ومعاه الصور
من كل صورة
نرسم نهار
ونعلم قلوب حزينة
أن الفرح بيعيش
في ألبوم صور ..
زي انهاردة فاتت
أحلي الذكريات
واحنا انهاردة
هنرجع للقلب
حاجات بيحبها
علشان حبيبها
ساكن كل ركن
في قصرها
هنقوله فاكر
زي انهاردة
كنت هنا
وأنا انهاردة
بعيش عشانك
كل سنة وأنت هنا
وعيد ميلادك
يا أوفي قلب
أحلي عيد
تتهني وتعيدي
عمرك من جديد
عشان انهاردة
نهار جديد
والفجر لما بيصحي
تاني
كلنا لازم نقوله
نهار سعيد ..
موقع ومضات …
عن الكاتب
