Skip to content
أدبية ثقافية فنية متنوعة
فى حبك يا مصر
بقلم : عماد عزيز
بحبك
برغم بعادى وغيابى
بحبك
مهو انا ال اتولدت فى حضنك
مهو انا ال اكلت من ارضك
وشربت من نيلك وبردت من بردك والدفا دفانى بشمسك
بحبك
يأرض مهما بعدت عنها بشتاق ارجع واترمى فى حضنها ونيلها
وبعشق ترابها وضلها وليلها
وغنى مواويلها
بحبك
يا نيل بيروى وجيش بيحمى
وناس بتوفى بحب كرمك وأصلك
يلى صوتى وحسى واصلك
تسمعى الندا من القلب واصلك
وشريان نيلك يحيى نبضك
بحبك
يلى أصلك من جذورك
ومن مهد نورك
تنور طريق لحضارة صخورك
وتنقش عليها تاريخ بيحكى
وملوك بتحمى ارضك وسورك
وعظمة ظهورك
من كل الوجود الكل جولك
بحبك
بحضورك ياحاضره
ولو الزمن ولى والعمر عدى
بالتاريخ اتزرع ف القلب فدادين زهورك
وبنورك نورتى الكون بعلمك
واحيى علمك واحتار العلم من حضارة اسرار فرعونك
بحبك
يارض فرعون يا ساكنه فى الكون
عمرى ما هكون غير مصرى يرفض يخون ويصون ال بيصونك
بحبك
يارض قبطيه بالصلاه محميه
بايمان وحمايه إلاهيه
وكنيسه مصريه بتشهدلك بمباركة مسيحيه
بحبك
يارض عربيه مسلمه مصريه
بمسجد وقبه
وهلالك ينور فى ليلك
وصوت اذانك ينده ولادك بركعة
سجود وشكر وفروض
بحبك
يأهل بالطيبه مبتطلعش عيبه
ما انتى اصلك جمعتى اصلك فى ولادك وعلمتيهم يردو الغيبه
تحت شمسك وحدودك ورسمك مايقبلو تغيب ذرة تراب رملك
بحبك
مسلم مسيحى يحبك فى وجعك
يكونو درعك وسيفك وحصنك
ويصلو ضهرك. ويركعو عصرك .
ويحمو ارضك
ولو يموتو تكون شهاده
واجمل عبادة
الموت عشانك اجمل ولادة
بحبك
يابلد غريبه مجدها فى طيبه
ومن شمالك لجنوبك مليانه محبه وطيبه
بحبك
عماد عزيز
مجلة ومضات
عن الكاتب
Post Views: 414
