مش عاوزة حد
يكون معايا
هفضل لوحدي ..وهحب بعادك
وهنسي عهدي
لو كنت فاكر
ان فغيابك غاب هوايا
تبقي في وهمك
عايش حكاية
لو كنت فاهم
اوقات وجودك
محفورة بساعات حضورك
ولا ملامحي ..هتدبل
وتنسي المرايا
ولا بكرة
هيبقي ذكري
لحنين لقانا
ولا كل كلمة
سمعتهاني …صداها
بيدق قلبي زي الاغاني
تبقي ما كنتش عايش
معايا…
يبقي غرورك
غماك وضلك
عن مين حبيبتك
اقصد اللي كانت
صديقتك..
ولا اقول كانت
شبابك والامل
وكل غاية…
اسفة ما كنتش
اقصد افكرك
انا ابقي مين
او اية كان دوري
في الرواية
يلا خلاص
خلصت وفاتت
تمثيلية عشق
الاهات
مش عايزة حد
يكون معايا
انا وحدي هقدر
اسهر واثر
واكتب واعبر
عن كل احساس
عشق يتمني قلبي
يعيشه تاني
هسمع اغاني
يكتبها شوقي
وارسم صور بكل
المعاني …
هعيش لليلي ..
وهسهر دليلي
شبابيك القمر
هرسم صور ..
هرسم شجر ..
ونور قمر
وندي فوق وردات
بيغسل هموم
ليالي السهر
هرسم شروق
وسلوك دهب
مضفرة
بعتاها شمس
الدفي …
فوق ارض
هسميها الوفا
ارضي وسمايا
مش عاوزة حد يكون معايا
يكفيني قلبي
يكون هنا .
يكفيني اني اكون انا …
ابعد ….وانسي…
وحب تاني
واوعي تنسي تغير حروفك
وتبدل ظروفك..
جدد رتوشك
ولون النوايا…
صعبان عليا…
مهما تبعد …هترجع
تدور عندي تاني…
اصل الرواية
بخط ايدي …والصور ناقصة
فغياب هوايا….
مش عاوزة حد يكون معايا