وبشر الصابرين
والفرحة راجعة تاني هتدق الباب
وتاخد الحزن اللي عاش علي الباب
وتخلي القلب يضحك من تاني
والضحكة علي الوش تبقي بالالوان
والبهجة ترد الروح الهزيلة
بعد شقا سنين وحكاوي فراق
ربك أما يريد احلامنا بتتحقق
زي مامنير غنا وكنا وراه بنغي كلام
وهيجي اليوم ويبقي الكلام حقيقة
بعد صبر وطول تعب هد الاكتاف
ونشوف الايام برزق ربنا تنور
وتطيب جراح قلبك اللي اتعور
من كتر الغدر أهل واحباب
وتقول يارب كل ده كنت شايله ليا
بعد صبري بصمت بالعمر اللي فات..
تلاقي الفرحة بتاخدك ليها من تاني
من غير ترتيب ولا اي حسابات
وعوض ربك من فضله وكرمه
هتفضل تشكره العمر اللي جاي
وتلاقي اللي بيحبك يفرحلك
ويقرب يديك كل الهنا وحلو الكلام
واللي عملته مع الناس يتردلك
أضعاف مضاعفة رزق ربنا ملوش حساب
ده عالم بالنية والافعال
وعالم بالسر والعلن كمان
والدنيا تقولك خد رزقك جالك
بعد دموع العين شالتها..
من غير شكوي ولا احتياج لاي انسان..
وقلبك يطمئن من تاني وعيونك تلمع
وروحك تبقي اقوي بعوض ربنا
زي ما عدنا بالكتاب ..
وبشر الصابرين..
فاللهم لك الحمد علي كل حال ..
عن الكاتب
