الدكتور جمال حماد يكتب رسالة برة الصندوق للأبناء… بعيدة عن الإرشادات التربوية…
عتابى معاك دائما ( حب ) _____________________
وده شيئ مش بأيدى، أحاسيس الأب دائما خارج نطاق السيطرة.
أكيد بنختلف،ولازم نختلف، لأن الأختلاف سنة فى الحياة، وده شيئ صحى جدا لأى علاقه إنسانية..
بس أنا الصراحة بسامح أكثر منك،مش بمزاجى، ولا تفضل منى، هيه كده الطبيعة الإنسانية،ال ربنا خلقها علشان يفضل علام البشر سنه كونية ،مش بأيد حد يمنعه .
وبقرب اكثر منك يمكن بحكم الخبرة، بحكم التجربة،بحكم الفرق فى العمر…
بس انت كمان جميل بتصبر عليه،وبتستحمل حاجات كثير خارج تصور زمانك، وعلشان كده الاختلاف نعمة، لان المساحات الصعبة دائما فى العلاقه الأنسانية، ال مفهاش اتفاق..
والشطاره هنا اننا نحافظ على المساحات دية ونتعامل مع الاختلاف بمحبة وبمنطق ومن غير زعل وده قمة النضج الانسانى…
اخيرا… مدان للاعتذار ليك، لأنك هتعيش فى زمن أصعب بكثير من زمنى، نفوس الناس اتغيرت،والخير بقى ندره، واحنا يابنى متوقعناش حقيقى نشوف ده، وحقيقى مش قادرين نتكيف معاه، كل حاجة بقت مصلحة ومكسب وخسارة، ماتت احاسيس الناس واحنا جزء منهم..لازم العدوى تطولنا…
مش هنصحك ،لان انا فاهم انتم جيل خارج نطاق النصايح بس هقولك ،اصبر على الايام، وفكر بس بمنطق، انك اتخلقت علشان تكون انسان تسامح وتبنى وتعمر،
بس انا واثق انك هاتفتكر الحب ال بجد،ال قلب ال عمره مقسى ولا شال، حتى فى وقت الزعل.الحب ال اختاره لينا ربنا علشان نقدر نكمل رحلتنا… الحب يبنى ميراث مبيعملوش غير المخلصين…. ده أل قدرنا عليه،وللأسف ده مش معيار زمانكم