صباح الصبح
بقلم / شيماء غريب
وهو الصبح مستني غنايا وصوت صباح الخير
ياصبح داأنت من غيري صباح مالي غناه الطير
هوا و عليل وشط جميل وصوت عذب ونهر خرير
بتصحي الصبح بتصبح وتتصبح بتوب وحرير
عايش أنت علي كيفك و عاشقة الدنيا لحروفك يا بدر منير
أشعة فوق علي جبينك ولونها الذهبي بيزينك وخيرها كتير
بتفتح عيني تلاقك.. حليم بيغني أهواك وأنا بكتبها عشاقك ولولاك لكنت أسير
صباح بادي بفنجان شاي ومن فرحي كسرت الناي وقلت أسمع غناويك و صوت الراديو و منير
ياصباح صبّح علي قلبي صباحك خير صباحك خير
أنا بستني تلمعلي وتندهني تلبسّني ساعتها التاج وهبقي أمير.
بحب خطاك وأنا وياك ترفرف كل أشعاري علي الشباك
وعند التوتة والساقية تجيني هناك بكل بشير
صباح مالك بيملك قلبي وكياني وأنا عشانه قبلت أكون في حبه أجير
ياصبح جميل وأنشودة علي حيطاني يا بلبل غنّي للعصافير.
بتتجدد فتحلي ف عيني أيامي وتبدأ تصحي أحلامي ونور ضيك يضئ الدنيا قدامي صباح نرجس صباح جوري صباح عنبر و أحلي عبير