شعر بقلم الشاعرة / عزة راضى
دمعة … ذكرى
ومالو لو كانت الذكرى
بس …
هى اللي باقية لنا
ومالو لو عشنا نستنا
ونحلم … بأيام
حلوة جاية لنا
ومالو لو يوم إتنسينا
ماهي برضو دنيا
وجايز نيجي على بالهم
دا عمر ما لحظة عدت
غير كانوا على بالنا
ياعيدي راحت أيامك
ولا أنت .. لسه فاكر
أعز الحبايب راح
هو اللي كان … فاكر
يوم عيدك
يكون العيد
يتمنى …
تبقى سعيد
مين بعده راح يفتكر
وياه يجيب العيد
مين بعده راح يهاديك
بالورد والتورتة
مين راح يجيب العيد
ويحطه بين أياديك
يرسم فرحة ف عينك
يااااه …
دا بعده رسم العيد
بدل الشموع
.
.
.
الدمعة جوة عنيك
عن الكاتب
