سنة جديدة ومين ها يعد معايا
❀꧁❀ 𝓐𝔃𝔃𝓪 𝓡𝓪𝓭 ❀꧂❀
بقلم : عزة راضى
١٠ عشرة
ياعشرة عمرى
وسنينى٣ عشرات
٩ تسعة
سعينا كتير
لرب الخير
يانور عينى
ياعمر وفات
٨ تمانية
ياما اتمنيت
تكون عمرى
تكون جنبى
طول الوقت
والساعات
٧ سبعة
يرن منبه الأيام
يصحينا على
ضحكات
٦ ستة
تنادى عليا وتقولى
ياست الكل أنت الجاى
انت الماضى واللى فات
٥ خمسة
تمد أيديك
وترقينى
من الحاسدين
يانور عينى
خمس رقوات
٤ أربعة
أنا وانت
وأغلى اتنين
فى دنيتنا
ولد راجل ولد ابنك
يكون لينا سند بعدك
معاه بنوتة تشبهلك
رقيقة جميلة طيوبة
تناديها يا ست الناس
ياأم أبوك ياغالية
ليكى العيون حراس
٣ تلاتة
أدينى بعد
وأستنا سنة جاية
وكان أملى تكون فيها
تكون بالحب ماليها
لكنه قدرنا وسبقنا
وأنت فارقت
وبقينا ٣
وعايشة بستنى
٢ أتنين
تقرب السنة
شوية
وأنت حبيبى مش فيها
فى بعدك مين هيسعدنا
وهينور لياليها
١ واحد
نعيش ومعانا
الواحد
اله معبود يقوينا
نقول يارب صبرنا
أهى عدت سنة علينا
بأفراحها وأحزانها
ولكن علمت فينا
تعالوا نعد للجايةونتمنى
يارب الجاى يكون أجمل
يارب الجاى يسعدنا
يارب سنين تفرحنا
وننسى حزننا شوية
يارب الحزن ينسانا
ونبدأ بالأمل بكرة
بخطوة لكل أحلامنا
يارب
تحقق الأحلام
#عزةراضى
موقع ومضات …