سهرنا ياليل
بقلمي عزة راضي
أنا والليل
سِهرنا معاه
بنسمع له
كلام وحديت
كتير حواديت
يقول لى ياليل
أقوله كمان …
وأسمع له
يقول لي ياعيني
ياأجمل من رأت
عينى
ياحضن أمان
يدفينى
ويحمينى
من الأحزان
من اللى شوفته
ف سنينى
يطول الوقت
ويعدى
مانشعر أنه
عدى وفات
ويحكى لى
عن الأشواق
وع الغيرة
كمان حكايات
أقول مابلاش
من الغيرة
وخلينا فى أشواقنا
يقول لي الغيرة
دليل الحب
ف الروايات
نقول تانى
دا أنت الجنة
وأنت العمر
اللى جاى
يعوضني
عن اللى فات
يغنيلى
ويحكي لي
ونقعد نحكى
بالساعات
يروق الجو
يصفى لنا
شهودنا قمرنا
والنجمات
وثومة والطرب كله
فى نبض القلب
والدقات
ويحلف أنه
عمره ماشاف
فى أيامه
غرام م القلب
ولو عاش
العمر يوصفنا
ماهيكفي …
لغة وكلمات .
موقع ومضات …