![](https://wamadaat.com/wp-content/uploads/2022/11/FB_IMG_1669123083625.jpg?v=1669123424)
![](https://wamadaat.com/wp-content/uploads/2023/01/FB_IMG_1673788114606-1.jpg)
أحلام حزينة..
بقلم ياسر المصري
وأنا قاعد حزين..
بعاتب الأيام والسنين..
بخاطب بالأنين العاشقين..
وأناجي بالود الحنين..
فجاءه نزلت دمعتي..
فجاءه بانت حسرتي..
فجاءه أترسمت لوعتي..
شُفت قلبي طير مكسور الجناح..
شُفت الروح زهره
وسط اشواك الخذلان..
شُفت الآه جوه الوجع..
شُفت الحقيقه جوه السراب..
شُفت الحياه ضباب..
حنيت..
حنيت لأيام زماااااان..
رجعت جوايا لسنين كتير..
بدور جوه السنين ع الحنين..
بدور جوايا عني..
بدور على طفل
كان زمان يشبهني..
كله أمل..
من غير وجع ولا انكسار..
ضحكته كانت بريئه..
وكل الصور كانت حقيقة..
فطرتة كانت صوتة..
وضحكته ماليه عيونه..
وأحلامه كانت عفيفه..
وارجع تاني لدمعتي..
أتاريها غرقت هدمتي..
وأمسح بايدي دمعتي..
وأخبي الحزن جوايا..
وأقول للآه هوني..
ويا فرحة يا ريت جوايا تكوني..
أحلام حزينة…. ✍️ياسر