Skip to content
![](https://wamadaat.com/wp-content/uploads/2023/01/FB_IMG_1673788114606-1.jpg)
أدبية ثقافية فنية متنوعة
![](https://wamadaat.com/wp-content/uploads/2022/11/tea-292x300.jpg)
قصة قصيرة من الحياة
كنت في شرم الشيخ زماااان ولقيت كافيتريا شعبية أمامها قعدة حلوة في الهواء الطلق على كنبات خشبية لطيفة، رحت اقعد اشرب شاي، حَكِم أنا أحب الشاي خالص.
المهم دخلت لقيت شاب واقف في الكافيتريا، ما شاء الله عليه طول بعرض بصحة، بعضلات، قمحي البشرة، ذو شعر أسود أجعد قصير، شكله رياضي، تقريبا بيلعب مصارعة.
تقدمت اليه قائلا: مساء الخير، لو سمحت يا كابتن ممكن شاي؟
نظر لي نظرة غاضبة سريعة ولم يرد.
يمكن زعل عشان قلت له يا كابتن؟
كررت الطلب بعد أن غيرت كلماتي: لو سمحت يا استاذ ممكن شاي؟
رد بغضب: مفيش زفت.
اندهشت و اتضايقت و تنرفزت من قلة أدبه، والناس قاعدين وقدامهم الشاي
قلت له: إنت ازاي تكلمني كده؟
رد: غور من هنا مفيش زفت.
رديت: إيه قلة الأدب دي، احترم نفسك؟
وبسرعة تدخل الزباين الحاضرين وسحبوني بعيد، قائلين: تعالى بس.
رحت معهم وفي السكة قلت لهم: هو أنا غلطت فيه؟ دنا بكلمه بكل ذوق.
ردوا: يا أخي دي بنت مش ولد.
يالهوي
يادي الإحراج
قلت لهم: طيب اعتذر له (قصدي لها) ازاي؟
قالوا: مفيش داعي خلاص.
ومشيت ماشربتش شاي
عن الكاتب
Post Views: 278