كتبت نجلاء الجزار
بنشوف كتييير بنات صغيرين ما شاء الله تبارك الله ،
و لابسين شيك و ذي القمر ربنا يحفظهم ،
بس ياريت كل أم و أب يعلموا بناتهم و أولادهم إن جسم البنت جوهرة يجب ولابد من إخفائه.
إيه المانع إن بنتك البيبي تعوديها تلبس تحت الشورت الجينز شراب كولون أو شفاف.
إيه المانع إن بنتك البيبي تعوديها تلبس تحت الدريس شورت قصير فوق الركبة.
إيه المانع بنتك البيبي تعوديها تلبس تحت الدريس المكشوف أوي من الصدر بدي حملات شيك.
دا مش هيأثر علي الشياكة أو الموضة خالص بالعكس هيزيد البنت جمال و هيحميها من العيون.
إيه المانع أنك تعودي إبنك البيبي إنه ميبصش علي البنات و تعلميه من صغره إن كده عيب.
لو ده حصل من صغرهم البنت هتكبر متعودة علي إن جسمها حاجة غالية مش للعرض.
والولد هيكبر إنه عيب نبص علي جسم البنت.
خصوصا إنه ظهر مؤخرا في مجتمعنا بعض العقول الغير سوية اللي بتفترس أي قطعة لحم قدمها و مش بيهمها سن ،
خدوا بالكم من وألادكم و بناتكم.
و ربنا يبارك و يحفظ اولادنا جميعا.