Skip to content
أدبية ثقافية فنية متنوعة
بياع كلام
بقلم : عزة راضى
قولت :
من قلبى بحبِك
وأنتَ بالنسبة لى
وهم
كدبة يوم عدت عليا
زى سهم
اختراق ….
هز المشاعر
لخبط الروح والكيان
وهم صدقته وعشته
وأتفاجأت أنه خان
قال وعود
وكلام كتير
هو متعود عليه
أنتِ روحى
أنتِ قلبى
ومتعرفيش
أنتِ بالنسبة لى أيه
أوعاك ياقلبى
يوم تصدق
حد أستاذ فى الكلام
حد بياع للكلام
أوتكون لعبة ف أيديه
دى القلوب عايزة إهتمام
و المشاعر مش كلام
لما تيجى تحب حد
ياقلبى دقق الاختيار ….
وقت ما تحتاج
تلاقى قلبه سكنك
قلبه دار
يبقى جنبك يفهمك
يرضى بجنانك
أو حنانك
حد يتحمل ملامك
حد بيشاركك آلامك
و يوم ماتلقى
حبه كدبة
سيبه وأبعد
وبكرامة وكبرياء
يبقى فى أيديك
القرار ….
#عزةراضى
عن الكاتب
Post Views: 180