*الدنيا وأحوالها *
بقلم عبد المنعم حمدي رضوان
الدنيا وأحوالها.
دعوة للفرح ودعوا الاحزان
(افرحوااااااا)
لو
جالك الفرح بيمشى
روح له انت وهرول
ليه
بس تأجل فرحة أو
ضحكة أضحكها الاول
دنيا
قلابه زى موج البحر
في ثانية بتتحول
ليه
تقعد ضارب بوز مهموم
ومقريف ومتململ
سببها
على الله لا حزن
بيدوم ولا فرح بيطول
لو
يوم أتعثر بك الحال
أيه يعنى أبدأ م الأول
لو
ضاقت عليك الدنيا
فيها ايه بكره هتتعدل
خد
الدنيا ببساطة ليه
تقعد تفلسفها وتحلل
ليه
تقعد مهموم شاغلك
حالها تفسر وتعلل
انت
اللى هتوجع راسك
وهتمرض وتتململ
يوم
ورا يوم بنعيش
أحداث بتمر وتتسلسل
الدنيا
كده يوم تحت ويوم
فوق حالها بيتبدل
من
أيام آدم طبعها كده
لا هتتغير ولا هتتحول
*****
شاعر العامية / عبد المنعم حمدى رضوان