![](https://wamadaat.com/wp-content/uploads/2023/02/inbound1200452085.jpg?v=1677261455)
![](https://wamadaat.com/wp-content/uploads/2023/01/FB_IMG_1673788114606-1.jpg)
نفسي أقولها
بقالِي مُدَّة ، نِفسِي
أقولها ، بَس خايفْ
تهجُرِيني ، وأرجع أندم
وتموت العواطِفْ
اتحملي ، بلاش تزعلي
دا قلبِك عَارفْ
انَّك الرُّوح ، ليه نِكتِم
بقلوبنا ، حُب جَارِفْْ؟
يا سمارة ، ليه أقول يا
خِسارَة ؟ ، وأفضل خايفْ
لإمتى أخبِّي ، تعِبتي
قلبي ، و الكُل شايفْ
للأبَد انتِ عُمري ، بجَد
مِش جَاي ، أضَّايِفْ
أتمنَّي رٌضاكِ ، أتحايلْ
وتسكتِي أقُول ، آسفْ
طمَّنِيني أقولها ؟، يارب
أنولها ، الشوق عاصِف
نِفسي أقُولها ؟ يا أحلَي
من البَسبُوسَة والقَطايفْ
فَرَّحِينِي ، احترت ، البخت
مايل ، والحال واقِفْ
كلمة حبيبتي بقالي مُدَّه ،
نِفسي أقولها ، بس خايف
★★★
د. صلاح شوقي……مصر