معقوله انا اتحب؟
معقوله ابقي شخصيه مهمه في المجتمع؟
معقوله اترقي في شغلي؟
معقوله حلمي يبقي حقيقه؟
لا لا اكيد في حاجه مش مفهومه !
انا عمري ما حسيت اني كفايه!!
◀️ بتشبه علي الشخصيه دي مش كده ◀️
الشك في نفسك وقدراتك ونجاحك الشك اللي بيخليك تحس انك مهما عملت تشوف اللي حواليك احسن واكفاء منك لحد ما تقول لنفسك “انا مش كفايه”
هو ده بقي الشك بالنفس !
يبدء الشك بالنفس مع عدم الثقه بالنفس ويتضح عندما نبدء بشيء جديد وتكون في وسط ناس غير مؤمنين بيك فتهتز ثقتك بنفسك لا إراديا.
الشك بيدمر علاقات كتير فتخيل لو الشك ده بينك وبين نفسك اكيد هيدمر ثقتك بنفسك بسهوله لو استمر واتمكن منك ، مش قادره الومك قوي وبديلك الف عذر علشان احنا في مجتمع مش عارف يخليك تفرق بين الثقه بالنفس والغرور ، ده غير تأثير الاعلام والسوشيال ميديا ففي أغلب الوقت بنشوف الناس اللي حياتها بتنجح وتلمع دي حياتهم مش زينا …مش مكتوبالنا !!
لما تبدا تحس بشعور انا مش كفايه يبدأ العقل يفكر في نمط ثابت كل ما تتحط في مواقف معينه
🌟اول مرحله التردد
◀️وهنا يبدأ عقل الشخص يحطلوا كل التوقعات اللي ممكن تحصل غلط نضاره تشاؤم سودا
🌟المرحله الثانيه الاختباء
◀️ الشخص ده ليقرر انه ياخد خطوه لورا ويفضل شخص عادي بين الناس كافي غيره شره بلاش نغير شغلنا عشان ده خلاص عرفناه ، بلاش ندخل في علاقه جديده عشان هنتجرح زي اللي قبلها بلاش اقترح حاجه ويطلع شكلي وحش ويبعد عن أي ضوء ممكن يكون فيه
👌 لو شايف نفسك مش كفايه للاسف الاحساس ده بيتنقل للحواليك ولو مش بيحبوك بالقدر الكافي هتبقي فريسه لشرور انفسهم
◀️ ما تخليش افكار الشك تغلبك ولو هي أفكار بتيجي بشكل نمطي
فالحل سهل👌
◀️ اكسر نمط التفكير بانك تاخد خطوه ، ماتخليش صوت الشك اعلي من صوت احلامك في الحياه وإبدء حتي لو باهداف صغيره سهله وخدها خطوه خطوه لحد ما توصل
◀️ وخليك فاكر ان ما فيش سعاده من غير نجاح وتحقيق الذات وناس تربطك بيهم علاقه قويه وايجابية
لازم نغير ذاتنا علشان نقدر نغير حياتنا..