شخبطة ع جدران قلبك
جدران قلبك مليانه حروف وكلام ..
وخربشة جروح ياما من زمان ..
وخوف وقلق وتردد بحيرة وتوهان..
مش عارف الزمن امتي عدي عليك..
وسايب بكل ركن بقلبك وجع واالاام..
بتبص علي الناس اللي شبهك
تلاقيهم مجروحين زيك تمام..
تقول هو انا هداوي جروح قلبي
ولا هطيب جروح الناس من الزمان..
نفسك تلاقي الفرحة مظبوطة ليك
مفيهاش تردد ولا خوف زي زمان ..
بتدور علي حضن دافي يضمك
يكون مقاس قلبك ولروحك امان..
شايف الكل تايه حواليك زيك
وتقول امتي هنرسيٓ علي البر بأمان..
وتجري ايامك وتدوس علي قلبك
وانت واقف مكانك بس بتجري بعقلك ..
وعمرك ارقام عداده الايام
ولسة بتحلم بحاجة ضاعت زمان ..
والحلو اللي اتمنيته كان قدامك
بس الخوف منعك تشوفه تمام
وكملت حياتك بتحلم بفعل كان..
وصحيت لقيت نفسك وحداني
والعمر جري من غير ونس صادق
ولا بيت دافي يضمك بحب وامان…
بقلمي رحاب عصام أبوطالب
عن الكاتب
