دخلت قلبى
بقلم : منى العدوي
ودخلت ليه قلبي
ضيعت مفتاحه
مش كنت وعده بالهنى
طب ليه زودت ف جراحه
طبعك غريب جدا
وانا قلبي بيستنكر
جهودك المضنية
معقول تروح عبثا
وحاربت علشانى
ودلوقتى أيه مالك
مستحلى نسيانى
وعاوزنا نتباعد
أنا قلبي مش جامد
مش حمل يوم ف فراق
هوه أنت مش واعد
أن الفراق ممنوع
متقلهليش إلا لو
حابب تشوف
ف عينى دموع
أنا قلبي من هبله
بيشبع ف حضنك جوع
والله من بعدك
أنا أموت
من التعذيب
قلبى أختارك ليه
عزوه وونيس وحبيب
مش حمل يوم فرقه
متقولش مش فارقه
متقولش يوم وأنسي
أنا قلبي مش ف أيديا
ده أنا بحر حنيه
أدف بروحك فيه
وحاول كمان تنسي
فكره غيابك عنى
والله ماهسيبك
أزاى بتستهون
بفراقنا وتجيبه
وأنا راضي تعذيبك
وتقول خلاص عادى
أيام وهتعدى
طبعا ماحبتنيش
ف يوم قدى
ضيعت ليه المفتاح
وجاى تقول نبعد
ف البعد ده هنرتاح
يعنى دخلت ف قلبي
علشان تسيبله جراح
مخنوق ف صوتى دموع
من قسوتك ياجدع
هوه أنت ليه وأزاى
باردة مشاعرك فيك
وليه ناويلى الوجع
وبشوقى مستنيك
ده انا قلبي حبك جدا
ورسم طريقه معاك
أزاى وليه بتبعد
ما أنا غرقت ف هواك
ده أنا حالفه بيك
ميت مرة
وقلت عليك وطنى
هتسبنى كام مرة
طب هاتلى معاك كفنى
كفنى من جوه
ده قلبي فيك دايب
شايفك نقاط قوة
ف الصورة ليه غايب
بتهد ف جنابه
ضيعت ليه فرحته
عذبته ف شبابه
بتقفل ف وشه الباب
وتقول عليه كداب
طب قلى أيه عيبه
منفعنش لجنابك
وجاى بتسيبه
ياغاوى كسرتى وذلى
ومستهون بحاجة
أسمها دقة
ده القلب لو سابك
حياته مش فارقه
علمتنى أحبك
ومقولتيش ننسي
طب ليه بقي بتنسي
طب بعد ماعشقتك
معقول أسيب روحى
وأنا روحى مش ورقة
تقطعها ترميها
وبكلمة تنهيها
وتروح تجيب غيرها
ده أنا روحى
كانت زهرة
بالحب بترويها
هتسيبها ليه تدبل
وتغمى ف عينيها
ياللى هويت ذلى
أراف بقي بحالى
خيط الوجع بيشد
ف الشرخ من جوه
وأنا قلبي لسه ضعيف
وكنت ليه قوة
بلاش الفراق يبقى
بميعاد سابق
وكأنك يعنى
على وجعى بتسابق
لو ناوى تهجرنى
متقولش نتباعد
خليك بعيد عنى
يومين وتنسانى
وإن جيت ف يوم أناديك
إبعدنى من تانى
وسلاما على الاحساس
اللى مكنش بجد من قلبك
كان حلمى يوم أبقالك
وأسكن حنين قلبك
آسف بجد علشان
أخدت من وقتك
صدقنى أنا آسف
من قلبى صدقتك
دخلت قلبي
مني العدوي
موقع ومضات
عن الكاتب
