![](https://wamadaat.com/wp-content/uploads/2024/06/FB_IMG_1717888937924.jpg?v=1717889288)
![](https://wamadaat.com/wp-content/uploads/2023/01/FB_IMG_1673788114606-1.jpg)
عاوز أطمن عليك
كتبت: سماح صالح
” عاوز أطمن عليك ..
جملة غالية جدا،
لما تتقالك في وقت أنت فيه فعلا مش كويس،
بتكون طبطبة بتمس الروح.
عاوز أتطمن عليك .. أغلى من واحشني وبحبك
وعامل إيه وأنت كويس،
وإللي ردهم بيكون، الحمد لله وأنت أكتر.
عاوز أتطمن عليك .. يعني مستعد مش بس أسمعك لكن أقف معاك،
ولو حكيت إللي يفرح هشاركك فرحك
ولو حكيت العكس، هحزن معاك،
وأشيل حبة من همك.
في حياتك لو ملقتش حد يقولك عاوز أتطمن عليك،
قولها أنت للي يهمك،
أخوك، صاحبك، حبيبك، قولها للقريب إللي محتاج يسمعها ويقدرها لو قلتها.
بس المهم أوعى تقولها وأنت مش أدها.
مجلة ومضات