![](https://wamadaat.com/wp-content/uploads/2024/03/FB_IMG_1710706123389-1024x1653.jpg?v=1711577964)
![](https://wamadaat.com/wp-content/uploads/2023/01/FB_IMG_1673788114606-1.jpg)
لغات الحب كتيرة .. و مش كل الناس بتتكلم بنفس اللغة !
بقلم حنان عزيز
فى ناس تعبيرها عن حبها بالإهتمام ..
تهتم بتفاصيل يومك ، و تديك وقت من يومها !
و ناس تحبك بالمساعدة .. دايماً عندهم حل عملى ينجد الموقف ، و يمشوا لغاية ما تحتاجهم !
و ناس تحبك بإنها تفرحك .. ماتحلش المشكلة ، لكنهم يخففوا تأثيرها عليك و يلهوك عنها !
و فى ينصحوك .. يدلوك على الإختيار الصح ، و يسيبوك تختاره !
حواليك كتير بيحبوك .. لكنك ساعات بتبقى منتظر لغة معينة من الحب ، و عايزها من كل إللى حواليك ..
و لو ماجتش .. تبتدى تزعل ، و تحس إن إللى بيحبوك قليلين !
كل واحد ليه لغة للتعبير عن حبه،
جزء من شخصيته و شاطر فيها
.. إفهم ده و إتقبله ، و إنت مش هتتعب 💟
مجلة ومضات