بلاش كسل
إصحا يا ابني قوم
خلاص بكفاية نوم
وبلاش كمان كسل
القعدة على العموم
دايما تجيب هموم
وكلام آخره زعل
وتحس ف كل يوم
كإن حالك معدوم
وجسمك فيه خلل
إصحا يا ابني قوم
ما عاد للنوم لزوم
إسعا وشوف عمل
والرزق دا مقسوم
مكتوب لنا معلوم
من ربنا ومحتوم
وكامل زي الأجل
ولكنه عشان يدوم
أمره شيء محسوم
أكيد من غير جدل
لازم هدف مرسوم
باين ويكون مفهوم
وسلاح صبر وأمل
ماتصحا يا ابنى قوم
وخلاص كفاية نوم
وحان وقت العمل
عن الكاتب
