💔حُبك قدر💔
بقلم ياسر الشريف
علي رمل شطك رسمتك وعزفتك علي عودي
🇾🇪
عاشق لنيلك و بحرك .و خَجلي ورد ف خدودي
🇾🇪
عابر سبيل يا نيل و الميه سلسبيل سِر لوجودي
🇾🇪
عِطر التُراب جَذاب علي أرضي و علي حدودي
🇪🇬
و يا تري غرامك حقيقة و للا سراب
🇪🇬
و للا عشق قلب نعيمه معاكي العذاب
🇪🇬
و للا حب يتيم حاسس من قلبك إغتراب
🇪🇬
و للا قدر مسطور من زمان ع الجبين و ف الكتاب
🇪🇬
عيب عليكي…تبيعيني و أنا اللي شاريكي
😔
عيب عليكي…تغدريني و أنا اللي حاميكي
😔
عيب عليكي…تهديني و أنا اللي بانيكي
😔
عمري كله وَهبتُه ليكي حرام عليكي
😔
و مش فارقه.
😒
أنام ف البيت أو ف الغيط أو تحت السما الزرقا.
😒
ما أنا المسجون أبو قلب حنون اللي شبعت م الفُرقه.
😒
عايش مطحون و عشقي جنون و سكينة الغرام سارقه.
😒
عايش بالدين و بأقول كده زين بلا الكويت بلا الشارقه.
😒
عنيد في الحب و معاند و لا هسافر و لا هعاود و متبت في بلدي اللي ف العوج سايقه.
💔
و باتمني بس أشوف لك نور
😟
و أنا عايش من زمان مكسور
😟
و متعلق ف كل سواقيكي
😟
و م النجمة بالف و ادور
😟
و الله ما لاقي كلام يوصف لك مشاعري
💔
و أنا مستني حِلم يتحقق و الأيام بتجري
💔
و أصبر كل يوم نفسي لحد ما فُرغ صبري
💔
و أعاشر ناس بلا إحساس ضاع معاهم عُمري
💔
و أكدب تاني علي روحي و أقول قسمتي و قدري
💔
و أشوف بعيني غدرهم يزيد حُزني يزيد قهري
💔
و راضي بكل شئ مكتوب و قلبي يصًبرُه ربي
💔
عن الكاتب
