احنا مش اجهزة الكترونية هتتغير بضغطة واحدة ..بكورس واحد ..بكتاب واحد ..بفكرة واحدة ..التعافى من شخص ..من حالة ..من تشوه ..من عادة .. بياخد وقت معين ..وقت مؤلم وبيوجع احيانا مشاعر سلبية مبنبقاش عارفين نتعامل معاها ازاى أكيد..
🌬اننا نتخيل ان التعافى بيحصل فى يوم ولا اسبوع بيخلينا نبقى متوقعين نتيجة بأسرع وقت ممكن ولما منحققهاش نزعل ونتوتر ونحبط .. او نتخيل اننا فشلنا وان التعافى مش نافع معانا ..
ولاننا بنكره حالة التوتر والقلق دى ومعندناش اليات التعامل معاها بنحاول نرجع للركن القديم تانى اللى فيه ” الراحة المزيفة ” بحجة ما هو الوجع اللى نعرفه احسن من الوجع اللى منعرفوش ..
المشاعر السلبية مش دليل عالفشل ..دى مرحلة انت محتاج تتعلم ازاى تتعامل معاها وتعديها عشان توصل ..متاخدش المشاعر السلبية كمؤشر اول ما تشوفه تخاف وتهرب وترجع للركن القديم تانى ..
اللى بيفرق بين اللى بيوصل واللى بيفشل هى الاستمرارية والمثابرة ..ان برغم كل اللى الوجع متحمل ..ورغم كل الخوف هكمل ..ورغم انى مش مرتاح لكنى عارف انى هوصل ..
كلام منقول بس مقتنعه بيه جدا ..اقبلو ضعفكم و خدو وقتتكم و ادو لروحكم مساحه تتعافي و تتنفس من تاني ..بلاش تهربو من أوجاعكم..دي جزءمننا ..جزء من حياتنا..ضريبه ولازم نسددها ..فمهم اوي تقبل النفس بضعفها لان دي بدايه قوتها..اقبلو نفسكم في كل حالاتكم و حبوهاااا و خليكم حنيينين عليهم ..و سيبوها تقع و ترتاح و تقوي و تقوم ..سيبوها تعيش وبلاش شغل جلد الذات عمال علي بطال ..حبو نفسكم..♥️ #Lamiaa_mohey #life_coach #غير_ذاتك
