الأديبة شيماء غريب تكتب ✍️….
أنا ماشي و معايا كرامتي….. 👌
ــــــــــــــــــــــــــــــــــــ
عارفين لو سمحولي اتكلم راح أقول وحشاني ملامحهم…. 😢
أنا ليه بتعامل يا زماني وكأني تملي أنا جارحهم. 🤷
واللي يضحك حقة بجد دول عاوزيني أروح و أصالحهم. 🥺
قدمت السبت مقصرتش والحد وراه كده تقريبا كل الأسبوع كان لصالحهم. ✅
رسموا التكشيرة بجبروتها تقريبا خلصت مصالحهم. 🖐
أنا ليه أحزانهم توجعني وأوجاعي تَمَلِي بتفْرحهم
😢
فكرت كتير إني أعاملهم مسألة رياضية وأطرحهم ❌
لكن دول طلعوا أشطر مني حطوني في كسر مالوش تبسيط طب واللي خلقني أنا هبسطهم… ــــــــــ
أنا كنت لمشاكلهم حلاّل حطولي الهم في كفتهم 😢
وحشاني ملامح تجاعيدهم وحشتني ياناس حتي ريحتهم. 💔
أنا كنت بطوف جوال هيمان ونثرت أشعاري علي بيوتهم
أنا مش مطرود أنا ماشي و ويايا كرامتي وباقي كمان علي كرامتهم
منا ابن أصول و تملي بقول اوعاك تستهزأ بقيمتهم
منا واكل عيش وكان لينا عيش في حيطان مرسومة بفُرشتهم.
أنا فعلا مشتاق لملامح مشتاق للنومة في فرشتهم
أنا فيا عيوب أنا منكرشي حاولت أعدلها وأصلحهم
منا أصلي طمعان في سلام و فـ عيشة من غير قسوتهم
حسيت في البعد صحيح راحة.. و بحاول وبكده أقنعهم.
ما هو مين يرضي يستحمل ظلم أو عيشة في قسوة مطارحهم.
أوقات البعد يكون راحة… ولا يرهبنيش حتي سلاحهم
بس أنا مشتاق… و حاسس بفراق.. 😢
وبرغم ده كله همشي علي راحتي وأريحهم…
ملعون الحب اللي بيكسر قلب المشتاق.. أنا طالع منها خسران وكفاية زيادة أرباحهم.
أنا كنت زمان فارس في الحب وبسهمي بصيب كل رماحهم
أما من الآن…. راح أذيع في بيان…. وأعلن اعلان…
خليني أنا ساكن شارع الطيبة وخليهم هما في مريخهم
لا يليق الغل علي ملامحي ولا بعرف أقلد طبايعهم
وسلام بسلام خلوني بعيد لما هتشتاقوا… أنا هنا موجود حبيت مجموعة بنت لي قصور دول كتبوا اسمي علي ضريحهم. ✨💎
طب حد يسيب ناس عاشقة بجد ويعيش مع ناس كارهة عيشتهم.
عنواني ممسوح في بطاقتي لو باقي صحيح تمشيلي بلاد تسكن دولتي مش دولتهم. 🖐🤷
عن الكاتب
