Skip to content
أدبية ثقافية فنية متنوعة
سيرة النبي حلوة……. ♥
✍️ شيماء غريب
خرج النبي مهاجر ماهو أصله ياما أذوه…. 😢
ماهمهوش نفسه كل اللي كان شاغله وجع اللي يوم ساندوه. 👌
لما العذاب اشتد أبو بكر في محنته كان له وتد صاحبه وأبوه وأخوه . 🤝
الغار علي حبهم يشهد ويحكي حكايته كل البشر عجزوا عن أنهم يصفوه…. ✍️
و حمامة تنسج نسيجها خيوط لتوب ساطع للي هناك نصروه…. 🕊
طلع البدر يا يثرب يا سعد سكانك ووفود كتير يزروه. ✨✨✨
آخي النبي بينهم ولا فيش عدو بينهم ولما بني مسجده حتي الحجر ناولوه… 💪
وصي بالأرحام صلوا والناس نيام حتي السلام تفشوه👌👌
الناقة من فرْحها بركت وحنت له قال هنا مسجدي قاموا سوا يبنوه. 🐪
صف النخيل قبلة ووجهة للرحمن كل البشر قصدوه 🌴🌴🌴🌴🌴
الإقتصاد علاه مفيش في يوم مغالاة وابن الربيع و عوف من طيبته بيحبوه. ♥
دقت قلوب وقلوب وخصوصا أبو أيوب في بيته النبي يسكن و عـ الرؤس يشيلوه. ❤
سيدنا النبي محمد مانسيش في يوم مكة وشال في قلبه حنين رغم أنهم ظلموه. 😢
ولأن ربه حبيبه أنعم عليه من تاني وفتحها فتح مبين
دخلها و مسامح لأنه أخ كريم قال أنتم الطلقاء… 🖐
وصي علينا الرجال وقال علينا قوارير وفي يوم وداع النبي كل البشر يبكوه. 😢
انا من سلالة النبي وبحب ال البيت عشمانة في رؤيته أكتبني مـ اللي زاروه. 🤲
طه ياسين و الماحي سيرتك تزيد أفراحي صل عليك الله صلوا تنولوا شفاعته و حوض ملان بالعسل يارب يوم تدوقوه. 🤲
و عام سعيد علي الأمة بهادي زاح الغمة وفضل يقول أُمتّي…. إياكوا يوم تنسوه. 🤲👌
يارب حُب النبي بيجري في عروقي وحياة جميع من حبوا مايجي يوم و أتوه.. 🤲
يفضل لساني يردد يارب صلّ عليه لحد يوم ماألقاه
وأنتم كمان تشوفوه…. 👁
#عام هجري سعيد 1445
عن الكاتب
Post Views: 225
