ماعادش فارق
للشاعر : محمد عبيد
هى هى ما عادش فارق
فى القلوب… طعم الهنا
عن مرار م القلب سارق
فرحة تسعد ……..قلبنا
وألوجع انك …….تعيش
ويا ناس عاشقة الخداع
حب ايه بقى ما ساويش
حتى دمعة ف يوم وداع
اللى تخلص ليه ..يخونك
ينسى حتى أن انت.. يوم
فرحته راسمها فى عيونك
او معاه شيلت…… الهموم
كله شاطر فى…… الخيانة
والنجاح بالغش …….عادة
فين يا ناس… زمن الأمانة
هى راحت فين….. يا سادة
واللى هيرحنى ……….انى
انسى انى كنت …….شاعر
هنسى لكن غصب …..عنى
عنكوا ……. هبعد واسافر
اصلى فعلا…….. وبصراحة
خدت انى اقول….. بصوت
عالى ده زمن …….الوقاحة
واللى هيبوح ابن …..موت
عن الكاتب
