أراجوز أنا الفنان وانا البلياتشو وانا الأراجوز أنا ماتشوفني يوم عابس ولا مكشر ولا مدمع ولا يوم تشوفني ملوي البوز أنا الكدبه اللي محبوكه أنا الإبره اللي مشبوكة في توب إسود تشوفه عيونكوا بالالوان وما تجرحش غير قلبي أبان عفريت وواد مرووش وانا المتهلهل الغلبان وبتنطط وبتعفرت وبتسند علي روحي كما العكاز تشوف الضحكة والبسمة اللي مرسومة وخفة دمي دي بتفرح ومهضومة وانا كلي من سنين واقع ميت ما قامتش له قومه فوق المسرح أبان واقف شديد وسعيد وصحة حديد وانا اللي كياني متهدم واكبر حتة جوايا يادوب فتفوته وكسر إزاز أنا اللي يعوزوا جمهوري أنا اللي عمري ما جه دوري انا المنسي من الأفراح وساعة الحظ نسياني واقول حاضر واقول طيب وعمري ما أعوز وأشوف ضحك البشر وأبكي لكن جوايا وف المتداري ما أنا إتعودت خلاص أكتم ودا بقي طبعي ودا حالي وبتنوع ما أنا الفنان أقول منولوج واقول موال وموالي ولا مره بيحلالي وكل الخلق شربوا الشهد وأنا من صغري بشرب جاز وأيد النار وطعم المر سواني ما أنا البلياتشو وانا الأراجوز وورقة حظي منحوسه وصورتي تملي معكسوه وكوتشنتي ما فيها ولاد ولا مره أنا قشيت ولا عرفت في يوم أعياد شباب وأنا قلبي قلب عجوز لكن يمكن في يوم تضحك ونحسي في مره يتبدل وعيشتي المره تتعدل وهترقي وأسيب النط والتنطيط وألمع علي الرصيف جزمة سعت البيه ويرميلى ساعتها جنيه وألمع شوز وياه لو حظي يوم يضرب وأكون صاحب روبابيكا وانادي ع القديم كله والاقي زبايني بيهله واقول بيكيااااااا حديد ايوه
أراجوز أنا الفنان وانا البلياتشو وانا الأراجوز أنا ماتشوفني يوم عابس ولا مكشر ولا مدمع ولا يوم تشوفني ملوي البوز أنا الكدبه اللي محبوكه أنا الإبره اللي مشبوكة في توب إسود تشوفه عيونكوا بالالوان وما تجرحش غير قلبي أبان عفريت وواد مرووش وانا المتهلهل الغلبان وبتنطط وبتعفرت وبتسند علي روحي كما العكاز تشوف الضحكة والبسمة اللي مرسومة وخفة دمي دي بتفرح ومهضومة وانا كلي من سنين واقع ميت ما قامتش له قومه فوق المسرح أبان واقف شديد وسعيد وصحة حديد وانا اللي كياني متهدم واكبر حتة جوايا يادوب فتفوته وكسر إزاز أنا اللي يعوزوا جمهوري أنا اللي عمري ما جه دوري انا المنسي من الأفراح وساعة الحظ نسياني واقول حاضر واقول طيب وعمري ما أعوز وأشوف ضحك البشر وأبكي لكن جوايا وف المتداري ما أنا إتعودت خلاص أكتم ودا بقي طبعي ودا حالي وبتنوع ما أنا الفنان أقول منولوج واقول موال وموالي ولا مره بيحلالي وكل الخلق شربوا الشهد وأنا من صغري بشرب جاز وأيد النار وطعم المر سواني ما أنا البلياتشو وانا الأراجوز وورقة حظي منحوسه وصورتي تملي معكسوه وكوتشنتي ما فيها ولاد ولا مره أنا قشيت ولا عرفت في يوم أعياد شباب وأنا قلبي قلب عجوز لكن يمكن في يوم تضحك ونحسي في مره يتبدل وعيشتي المره تتعدل وهترقي وأسيب النط والتنطيط وألمع علي الرصيف جزمة سعت البيه ويرميلى ساعتها جنيه وألمع شوز وياه لو حظي يوم يضرب وأكون صاحب روبابيكا وانادي ع القديم كله والاقي زبايني بيهله واقول بيكيااااااا حديد ايوه خشب هاتوا ولموا قدمكوا ولا تنسوا كتب واوراق وحتي الكوز وحطوني في وسط الشيلة ولا تنسوا إن أنا أراجوز
داليا يحيى
خشب هاتوا ولموا قدمكوا ولا تنسوا كتب واوراق وحتي الكوز وحطوني في وسط الشيلة ولا تنسوا إن أنا أراجوز
