نصائح من مطبخ نونه
كتبت تهانى عتيق
دى حاجات استفدت منها تعالي شوفيها واتعلمي
ياعسليه منك ليها تخليكي ست بيت درجة اولى 👌👍
📢 الحلل الصاج بتشيط اللبن جدا حتى لو نوع
كويس.
📢اللهلوبه حلوة اوى للتنظيف بتلمع اى حاجة.
📢 الجوانتى ده اختراع هايل لاى حاجة⚘️
📢 مفارش الثلاجة مع الوقت بتبوظ الثلاجة
والفريون وبتجيب مايه كمان بلاش منها لانها
عملت معايا كده بعد ٥ سنين ومصدقتش الا لما
عملت كده وده كلام مهندس الصيانة ⚘️
📢الحلل الاستانلس لازم تهدى النار عليها عشان الاكل هيعمل ريحه لو النار عالية
📢كيك شيف افضل من بيكنج بودر كتير.👌
📢عجينه البيتزا عاوزة زبادى او لبن بودرة عشان تظبط ومتبقاش ناشفة.
📢هاتى زيت جوز هند خام والاصلى بيكون مجمد في الشتا سيحيه في مايه سخنه وامسحى بيه وشك بقطنة هيخليها حرير 👌⚘️
📢لازم تعملى اسكراب لوشك مرة فى الاسبوع على الاقل عشان الجلد الميت يروح
📢هاتى راديو في المطبخ واظبطيه على اذاعة القران الكريم بيتك كله هيكون بركه
📢 مش عاوزة البصل يدمع العين حطيه في الثلاجة شوية.
📢حطى العيش في علبه ثلاجة في الفريزر عشان الرده بتسد الفتحات
📢مسك الطهارة ده اختراع نظافة وريحة ملهمش حل.
📢 حطى حصالة فوق ثلاجتك حطى فيها الفلوس الفكه وكل اسبوع طلعى منهم حاجه لله او هاتى حلويات وفرحى الاطفال🤗😍
📢حاولى تلمى الغسيل وقت الظهرية تكون الشمس جت عليه لو لمتيه بليل ريحته مش هتبقى بحلاوة الظهر……
ويارب تكون معلومه مفيده لكل ست ..
.نونه عتيق
موقع ومضات ….
عن الكاتب
