رحلت قبل أن أبوح لها
بقلم / شيماء غريب
كنتِ أستني…
كان جوايا كلام متخبي
وغصبٍ عني
كانت شغلاني الدنيا حقيقي
بس بأسمك كنت بغني
لو تشوفيني هتتهميني
إني مشاعري أبرد مني
لكن حقك أصل سكوتي
قاتل صامت وخدك مني
عشت بَحبك مُت في بُعدك
متسبنيش هفديكي بدمي
كنتِ الحضن الدافي لحُزني
ياما في عينكِ فضيت همي
لما أناديكِ تجيني آوام
كنتِ معايا في الأحلام
روحتي خلاص
روحتي خلاص
مين في غيابك يسأل عني؟!
طب ولساني
اللي عشانك كان بيسمي
يا براح واسع واللحظة دي
سحاب متغمي
الألوان بهتت بغيابك
حتي الأبيض شيفاه بُني
لما بأيدي حفرت مكانك
غصبٍ عني غصبٍ عني
روحتي خلاص
ربي يعيني
هو وداع وصحيح متقدر
لكن صعب العقل يفكر
حتة جميلة تفارق قلبي
وتدمرني
روحتي خلاص
لكن باقية جوه النني
موقع ومضات ..
عن الكاتب
